enbek.kz жүйесінде қызметкердің еңбекақысыз демалысын көрсету қажет пе?

Еңбек кодексінің 23-бабының 2-тармағының 27) тармақшасына сәйкес, жұмыспен қамтушы еңбек шартының жасалуы мен тоқтатылуы, оған енгізілген өзгерістер мен (немесе) толықтырулар туралы ақпаратты, 28-баптың 1-бөлімінің 1), 2), 3), 4), 5) және 13) тармақшаларында белгіленген мәліметтер мен 99-бапта көзделген демалыстар туралы деректерді еңбек саласындағы өкілетті мемлекеттік орган белгілеген тәртіппен еңбек шарттарын есепке алудың бірыңғай жүйесіне енгізуге міндетті.

Айта кету керек, ЕК-нің 99-бабындағы демалыстарға жүктілікпен және баланың тууымен байланысты демалыстар, сондай-ақ жаңа туған баланы (балаларды) асырап алумен (құқықтық ата-анасына қабылдаумен) байланысты демалыстар жатады.