2026 жылы сізге 250.00 немесе 270.00 нысанын тапсыру қажет пе

2026 жылғы 1 қаңтардан бастап Қазақстан Республикасының 2025 жылғы 18 шілдедегі №214-VIII жаңа Салық кодексі күшіне енді. Жаңа кодекс ірі мәмілелердің, шетелдік және цифрлық активтердің ашықтығына ерекше назар аударады.

ҚР Салық кодексінің нормаларына сәйкес жеке тұлғалардың кірістері мен мүлкін декларациялау тәсілі өзгертілді. Бұған дейін 270.00 нысан бойынша жалпыға бірдей декларация тапсыру міндеті белгілі бір мәртебеге (мысалы, кәмелетке толу және резиденттік) байланысты болса, қазіргі уақытта декларация тапсыру міндеті тек ҚР Салық кодексінің 417 және 422-баптарында көрсетілген нақты негіздер болған жағдайда туындайды.

Бұл 250.00 және 270.00 нысандары бойынша жаппай декларация тапсыру енді талап етілмейтінін білдіреді. Енді декларация тапсыру міндеті тек заңда көрсетілген нақты мүліктік және қаржылық жағдайлар болған кезде пайда болады.

Яғни, ҚР азаматтарының басым бөлігі жыл сайын жеке тұлға декларациясын тапсырудан босатылады. Ал ірі мәмілелері және шетелдік активтері бар тұлғалар қаражат көздерін растауға және толық ақпарат ұсынуға міндетті.

Мұндай тәсіл салық төлеушілерге түсетін әкімшілік жүктемені азайтуға, декларациялауды нақты мақсатқа бағыттауға және бақылауды тәуекелі жоғары мәмілелер мен активтерге шоғырландыруға бағытталған.