Жұмысшылардың жұмысқа шықпауы және жұмыс берушілердің әрекеттері

Еңбек қатынастары туралы айтқанда, біз кейде терминдерді, олардың нақты мәніне ой жүгіртпей-ақ қолданамыз. Өмірінде кім «жұмыстан қалу » деген сөзді естімеген? «Тағы да сабақтан қалдың!» – деп ата-аналар ұрысатын. «Жұмыстан қалғаны  үшін жұмыстан босатамын!» – деп бастық қорқытатын. Бұл ұғымның астарында не жатқанын бәрі бірдей түсінеді. Бірақ, ҚР ЕК  1-бабына үңілсек, біз бұл көпке таныс әрекеттің заңдық анықтамасын таппаймыз.

Иә, құрметті әріптестер,  ҚР ЕК бізге «жұмыстан қалудың » не екенін түсіндірмейді. Құжат мәтінінде біз тек бір рет «мәжбүрлі жұмыстан қалу » (ҚР ЕК 161-бабы) тіркесін кездестіреміз. Бұл жағдайда  қызметкердің заңсыз жұмыстан босатылуына байланысты жұмысқа шықпай қалғаны туралы болып отыр. «Мәжбүрлі жұмыстан қалу » – жұмыстан босатылған күннен бастап қайтадан жұмысқа орналастырылған күнге дейінгі уақыт кезеңі. Қызметкерді жұмысқа қайта қабылдағанда, жұмыс беруші ҚР ЕК  161-бабы 1-тармағында көзделген барлық төлемдерді жасауға міндетті.