ЕАЭО-да электрондық халықаралық тасымалдау жүкқұжаттары (e-CMR) енгізілді

ЕАЭО елдері халықаралық жүк автокөлік тасымалдарында электрондық халықаралық тасымалдау жүкқұжаттарын (e-CMR) пайдалану жобасын іс жүзінде іске асыруға кірісті. Еуразиялық экономикалық одақ елдерінің көлік, цифрландыру, салық және кеден реттеу салаларының уәкілетті органдары, салалық бірлестіктер, ғылыми ұйымдар, бизнес қауымдастықтары, сондай-ақ сенімді үшінші тарап және электрондық құжат айналымы операторлары пилоттық жобаны іске асыруға көшу мәселесін талқылады. Қажетті цифрлық инфрақұрылым қалыптастырылған, электрондық құжат айналымы және сенімді үшінші тарап операторлары ақпараттық өзара әрекеттесуді аяқтап жатыр. Жобаның аясында тасымалдау қызметін жүзеге асыруға қызығушылық танытқан ЕАЭО мемлекеттерінің тасымалдаушылары 2026 жылдың бірінші жартыжылдығында алғашқы рейстерін өткізеді. Жобаның мақсаты — цифрлық қолтаңба және сенімді үшінші тарапты пайдалана отырып, заңдық мәні бар электрондық құжаттарды шекарааралық алмасуға сынақ жүргізу. Бұл логистика цифрлануына және халықаралық тасымал процедураларын жеңілдетуге маңызды қадам. Сарапшылардың бағалауынша, e-CMR пайдалану тасымалдау құжаттарын рәсімдеуге кеткен уақытты айтарлықтай қысқартады: қағаз құжатқа 20 минуттан көп кететін уақыттың орнына 1 минуттан аз уақыт қажет болады. Бұл жүктердің өтуін жеделдетіп, бизнестің әкімшілік жүктемесін азайтады және процестердің ашықтығын арттырады. Жобаға уәкілетті мемлекеттік органдар, электрондық құжат айналымы операторлары, тасымалдаушылар, жүк жөнелтушілер мен алушылар қатысады. e-CMR қолдану тасымалдаушылардың уақыт шығындарын төмендетеді. Электрондық құжаттарды пайдалану кезінде қағаз көлік жүкқұжатын қолданғанда 20 минуттан көп уақыт кететін процедура 1 минуттан аспайды. Сонымен қатар, халықаралық сарапшылардың деректері бойынша, e-CMR пайдалану өзіндік құны, оның ішінде шығару, қол қою, жіберу, мәртебесін нақтылау және мұрағаттау, қағаз көлік жүкқұжатын қолданған кездегі 6,23 еуромен салыстырғанда 1,6 еуроны құрайды.