2026 ЖЫЛҒЫ 3 МАУСЫМНАН БАСТАП МАЛ ШЫҒАРУҒА ТЫЙЫМ САЛЫНАДЫ

2026 жылғы 1 маусымда ҚР Ауыл шаруашылығы министрлігінің бұйрығымен Қазақстан Республикасының аумағынан үшінші елдерге және ЕАЭО елдеріне қой мен ешкілерді тірідей шығару көлемдеріне (квоталарға) шектеу енгізілді (код 0104). Квота мөлшері — 120 000 (жүз жиырма мың) бас 4 айлықтан асқан қозылар. Тыйым 2026 жылғы 3 маусымнан бастап 6 ай бойы күшіне енеді. Экспорт автоматтандырылған лицензия беру жүйесіндегі белгіленген көлем шегінде жүзеге асырылады. Жалпы квота көлемі 120 мың бас, оның ішінде: - 60 мың бас азықтандыру алаңдарына; - 60 мың бас өндірушілерге арналған. Қатысушыларға келесі шектеулер қойылды: - азықтандыру алаңдары өз қуатының 30%-нан артық мал шығара алмайды; - 5 мың бас қуаттан асатын алаңдарға максималды квота — 1500 бас; - бір өндіруші бүкіл мерзімге 500 бастан артық квота ала алмайды. Квоталарды бөлу экспортқа лицензия рәсімдегенде автоматты түрде іске асады. Сондай-ақ, өтініш берушінің нақты мал басы сұралған квота көлемінен кемінде екі есе көп болуы тиіс. Қосымша талап: мал карантинге қойудан кемінде үш ай бұрын иесінің атына тіркелуі керек. Квота тек эпизоотиялық тексеру актісінің күші жарамды болған мерзімге ғана беріледі. Егер акт мерзімі аяқталса немесе экспортер лицензиядан өз еркімен бас тартса, бөлінген квота пайдаланды деп есептеледі және жалпы лимитке қайтарылмай қайта бөлінбейді.