КМД ФНО 101.04 және ФНО 300.00 бойынша қайшылықтар туралы хабарламаларды таратты

Салық тәуекелдерін төмендетуге арналған алдын алу жұмыстары аясында Мемлекеттік кірістер комитеті 2023–2025 жылдарға арналған келесі бағыттар бойынша әлеуетті қайшылықтар анықталған салық төлеушілерге (салық агенттеріне) Салық төлеушінің кабинеті арқылы Push-хабарламаларды жіберді: • 101.04 нысаны бойынша резидент еместердің табысынан қайнар көзінде ұсталатын жеке табыс салығынан төлеуден босатудың төмендетілуі және (немесе) қате қолданылуы; • 101.04 нысаны бойынша халықаралық шарттардың резидент еместердің табысына салық салудан босатылуы немесе төмендетілген салық мөлшерлемесін қолдану туралы ережелерінің заңсыз қолданылуы; • 300.00 нысанының 5-қосымшасы бойынша резидент еместерден алынған жұмыстар мен қызметтер үшін ҚҚС сомасының төмендетілуі және (немесе) есептелмеуі; • 300.00 нысанының 5-қосымшасы бойынша ҚҚС декларациясын толтыру кезінде арифметикалық қаталардың салдарынан салық сомасының төмендетілуі. Хабарламаларда ықтимал қайшылықтарды анықтау алгоритмдері мен ұсынылған мәліметтерді өзіндік тексеру бойынша ұсынымдар қамтылған. Мемлекеттік кірістер комитеті салық төлеушілерге мәліметтерді салыстырып, қажет болған жағдайда анықталған сәйкессіздіктерді өздігінен түзетуге кеңес береді. Келесі кезеңде камеральды бақылау нәтижелері бойынша анықталған бұзушылықтар туралы хабарламалар автоматтандырылған режимде қалыптастырылады.