elicense.kz порталында шетелдік рұқсат қағаздарын алу үшін елдер тізімі кеңейтілді

Қазақстандық жүк тасымалдаушылар енді Азербайжанға, Түркияға және Қырғызстанға электронды енудің рұқсаттамасын онлайн рәсімдей алады. elicense.kz порталында шетелдік рұқсат қағаздарын алу бағыттары кеңейтілді. Шетелдік рұқсат қағазы (ШРҚ) — бұл Қазақстан тасымалдаушысына нақты шетелдің аумағында жүктерді тасымалдау құқығын беретін құжат. Қазақстан мұндай рұқсаттарды екіжақты негізде алмастырады. «Тасымалдаушы үшін бұл ведомстволарға бару санының азаюы мен жұмысқа бөлінетін уақыттың ұлғаюын білдіреді. «Е-лицензиялау» платформасы дәл осы бағытта дамуда — рұқсат алу процедураларының көбі онлайн өтеді», — деді ҚР МИИЦР Мемлекеттік қызметтер комитетінің төраға орынбасары Ержан Ақтаев. Қызметпен Қазақстандағы тіркелген заңды тұлғалар мен жеке кәсіпкерлер ретінде тіркелген тасымалдаушылар және халықаралық автомобиль тасымалдарына рұқсаты бар көлік құралдары пайдалана алады. Қызметті пайдалану үшін пайдаланушыға: • elicense.kz порталына авторизациядан өтіп, «Көлік» бөліміне өту; • «Қазақстан Республикасының тасымалдаушыларына халықаралық келісімшарттарға сәйкес, шетел мемлекетінде өтуге рұқсат беру» қызметін таңдап, «Қызметті онлайн тапсыру» түймесін басу; • өңір/қала мен РМҚ таңдауы; • ұйымның БСН-ын, өкілдің толық аты-жөнін және қызметін енгізу; • заңды тұлғаның тіркеу деректерін, мекенжайын толтырып, «Келесі» түймесін басу; • Көлік құралдары туралы мәліметтерді қосу, қажет болған жағдайда шетелдік рұқсаттар бойынша деректерді (мемлекет атауы, рұқсат қағазының түрі мен санаты, рұқсаттар саны) енгізу; • ҚР Көлік министрлігі ақпараттық жүйесінде тексеру нәтижесінде электронды ШРҚ резервтеледі; • салық төлемін жасап, сұранысты қолтаңбалау әдістерінің бірін пайдалану қажет. Қызмет көрсету мерзімі — 2 жұмыс күні. Рұқсаттамалар пайдаланушының elicense.kz порталындағы Жеке кабинетіне тікелей беріледі. Рұқсат қағазының жарамдылық мерзімі — Жеке кабинетте хабарлама алынған күннен бастап 30 күн. Қызмет құны — 1 МЗП бір рұқсат қағазына.